• १७ असार, शुक्रबार
  • , Jul 01, Friday

एलन मस्कले गरे रुसी इन्जिनको तारिफ

  • २०७८ चैत १५ मंगलबार
  • Yugbani

न्युयोर्क । रुसले अमेरिकालाई रुसी इन्जिनहरू बिक्री नगर्ने निर्णय गरेलगत्तै विश्वका सबैभन्दा धनी अर्बपति एलन मस्कले रुसी इन्जिनको प्रशंसा गर्न थालेका छन् । उनले बोइङ र लोकहिड मार्टिनको संयुक्त यूएलए भेन्चरले रुसमै बनेको आरडी–१८० इन्जिन प्रयोग गर्ने गरेको बताएका छन् ।

तर, टेस्ला कम्पनीका समेत मालिक मस्कले आफ्नो स्पेस एक्सले आफैँले आफ्ना रकेट इन्जिको डिजाइन गर्ने भएकाले रुसी प्रतिबन्धले कुनै असर नपार्ने पनि बताएका छन् । अमेरिकी एरोस्पेस कम्पनीद्वय बोइ ङ र लोकहिड मार्टिनको जोइन्ट भेन्चर यूएलए आफ्नो एटलस भी रकेटको पावरका लागि आरडी–१८० इन्जिनमा निर्भर छ ।

युक्रेनमाथि आक्रमण गरेका कारण आफूमाथि अमेरिकाले लगाएको आर्थिक प्रतिबन्धको प्रत्युत्तरमा रुसले अमेरिकालाई रकेट इन्जिनहरूको आपूर्ति रोक्ने निर्णय गरेको हो ।

रुसी अन्तरिक्ष निकायका अध्यक्ष दिमित्री रोगोजिनले भनेका छन्, “यस्तो परिस्थितिमा हामी अमेरिकालाई विश्वकै सर्वोत्कृष्ट रकेट इन्जिनहरू आपूर्ति गर्न सक्दैनौँ । तिनीहरूलाई आफ्नै कुचोको लट्ठी प्रयोग गरेर उड्न दिऔँ ।"

मस्कले भनेका छन्, “भविष्यमा अमेरिकी कम्पनीहरू 'ब्ल्यु ओर्जिन' कम्पनीबाट निर्माण हुने यस्ता सर्वोत्कृष्ट इन्जिनबाट वञ्चित हुनेछन् । मलाई जहाँसम्म लाग्छ, एन्टारेसले पनि आरडी–१८० इन्जिन नै प्रयोग गर्दछ । अब नोथ्रोप ग्रम्मन कम्पनीले उत्पादन गर्ने दुई चरणको रकेट 'एन्टारेस' पनि इन्जिन प्रयोगबाट वञ्चित हुनेछ ।"

हालै बिजनेस इन्साइडरलाई अन्तरिक्ष उद्योगमा अन्तर्राष्ट्रिय सहयोगबारे अन्तर्वार्ता दिने क्रममा मस्कले जस्तै अन्तरिक्षयात्री पेग्गी व्हिटसनले पनि यस सम्बन्धमा चिन्ता व्यक्त गरेका थिए । बिजनेस इन्साइडरबाट ।

छुटाउनुभयो कि?

सबै